monumenta.ch > Plinius > sectio 147

Word Selection for Searching

Report an Error in this Sectio
Plinius, Naturalis Historia, 20, 147
{LIII} Mentae ipsius odor animum excitat et sapor aviditatem in cibis, ideo embammatum mixturae familiaris. ipsa acescere aut coire densaque lac non patitur; quare lactis potionibus additur, et his, qui coagulati potu strangulentur, data in aqua aut mulso. eadem vi resistere et generationi creditur cohibendo genitalia densari.